Қазатомөнеркәсіп өндірістік қауіпсіздік жөніндегі XXV қорытынды корпоративтік кеңес өткізді

17 ақпан күні Шымкент қаласында «Қазатомөнеркәсіп» ҰАК» АҚ-ның (бұдан әрі – Қазатомөнеркәсіп немесе Компания) өндірістік қауіпсіздік жөніндегі XXV қорытынды корпоративтік кеңесі өтті.

Іс-шараға «Самұрық-Қазына» АҚ мен мемлекеттік органдардың өкілдері, Қазатомөнеркәсіптің Директорлар кеңесі мен Басқарма мүшелері, еншілес және тәуелді ұйымдардың бірінші басшылары мен қызметкерлері және т. б. қатысты.

Кеңес барысында еңбекті қорғау, қоршаған орта, өнеркәсіптік, радиациялық және ядролық қауіпсіздік саласындағы өзекті мәселелер талқыланды, өндірістік қауіпсіздік саласындағы 2022 жылғы жұмыстың қорытындысы шығарылып, 2023 жылға арналған негізгі міндеттер мен жоспарлар айқындалды.

Компания құрылған сәттен бастап өндірістік қауіпсіздік бойынша қорытынды корпоративтік кеңестер өткізеді. Биылғы кеңес 25-ші, мерейтойлық кеңес болды, онда қауіпсіздік саласындағы ағымдағы нәтижелерді қараумен қатар, осы саладағы 25 жылдағы даму қорытындылары да шығарылды.

«Қазатомөнеркәсіп үшін өндірістік қауіпсіздік қашанда сөзсіз басымдыққа ие болған және солай болып қала бермек. Қауіпсіздік мәдениетін, көшбасшылықты дамыту және қызметкерлерді еңбек қауіпсіздігі, экология мәселелеріне жан-жақты тарту бағытын жалғастыра және барлық мүдделі тараптармен ашық әрі адал диалогты қолдай отырып, біз белгілі бір нәтижелерге қол жеткіздік, - деді Қазатомөнеркәсіптің Басқарма төрағасы Ержан Мұқанов. – Адам өмірі мен денсаулығынан құнды ештеңе жоқ, біз бәріміз кез-келген жұмысты қауіпсіз орындауға болатындығын түсінуіміз керек. Әрбір қызметкердің осы мәселеге саналы және жауапкершілікпен қарауы біздің кәсіпорындардағы өндірістік қауіпсіздік деңгейін одан әрі арттыруға көмектесетініне сенемін».

«Мен Қазақстанда шамамен 6 жылдай жұмыс істеп келемін және осы уақыт ішінде қауіпсіздік аса маңызды болып табылатын Қазатомөнеркәсіптің жетістіктерін байқадым, - деді «Қазатомөнеркәсіп» ҰАК» АҚ Директорлар кеңесінің төрағасы Нил Лонгфэллоу. - Әрбір басшының жұмысшылардың қауіпсіздігі үшін күнделікті атқаратын көшбасшылығы мен жеке жауапкершілігі ең жоғары басымдық. Қауіпсіздікті қамтамасыз етудегі ең маңызды мәселе – барлық қызметкерлерге қажетті ережелер мен стандарттарды сақтаудың маңыздылығын жеке өнегесімен көрсету».

«Статистика «Самұрық-Қазына» қорының компаниялар тобында жарақаттану көрсеткіштерінің жоспарлы түрде төмендегенін көрсетеді. Қауіпсіздік мәдениетін дамыту саласында Қазатомөнеркәсіп белгілі бір нәтижелерге қол жеткізгенін атап өткім келеді, - деді «Самұрық-Қазына» АҚ Төрағасы Алмасадам Сәтқалиев өзінің кеңес қатысушыларына арнаған бейнежолдауында. - Ол жұмысшылардың, активтердің және қоршаған ортаны қорғаудың қауіпсіздігі күнделікті өмірдің ажырамас бөлігіне айналған және әрқашан бірінші орында тұратын нөлдік жарақаттанудың жаһандық тұжырымдамасын сәтті енгізуге кіріскен портфельдік компаниялардың алғашқысы».

«Самұрық-Қазына» АҚ-ның Қоғаммен байланыс, әлеуметтік-еңбек қатынастары және еңбекті қорғау жөніндегі басқарушы директоры Ғибрат Ауғанов өзінің кіріспе сөзінде Қордың компаниялар тобы бойынша жарақаттану деңгейі 16%-ға төмендегенін, ал LTIFR жарақаттану коэффициенті 0,16-ны құрағанын атап өтті.

Кеңес барысында Компания өндірістік қауіпсіздіктің жай-күйін үнемі жақсартып отыратындығы атап өтілді. Бұған Компания құрылған сәттен бастап өнеркәсіптік, экологиялық және радиациялық апаттардың болмауы, халықаралық стандарттар талаптарына сәйкестігі, Қазатомөнеркәсіптің өндірістегі жарақаттану деңгейін нөлге дейін төмендетуге бағытталған Vision Zero халықаралық бағдарламасына қосылуы дәлел бола алады.

Компания өзінің өндірістік қызмет орындарында және одан тыс жерлерде табиғи ортаны сақтай отырып, табиғи ресурстарды ұтымды пайдалану мен экологиялық әсерді барынша азайту арқылы өзі қатысатын өңірлердегі қызметкерлер мен халықтың қауіпсіздігін қамтамасыз ету бойынша барлық қажетті шараларды қабылдайды. Мәселен, тек 2022 жылдың өзінде табиғатты қорғау іс-шараларына 1 млрд теңгеден астам қаржы бөлінді.

Компания екінші бақылау аудитінен өтіп, еңбекті қорғау, денсаулық сақтау және экологиялық менеджмент саласындағы ISO халықаралық стандарттарының талаптарына сәйкестігін растады. ЕТҰ-да өндірістік қауіпсіздіктің жай-күйіне жоспарлы, кешенді және мақсатты тексерулер жүргізілді. Радиациялық қауіпсіздікті қамтамасыз ету мәселелері бойынша халықаралық ұйымдармен (АЭХА және т.б.) өзара іс-қимыл жүзеге асырылды.

Жүргізілген жұмыс нәтижелері бойынша 2022 жылы жұмыс уақытын жоғалтумен жарақат алу коэффициенті (LTIFR) 5 есеге төмендеді (2022 жылы - 0,11 және 2021 жылы - 0,55). Кәсіпорындарда қаза тапқандардың жалпы саны 2 есеге азайды (2022 жылы 1 адам және 2021 жылы 2 адам). Өндірісте зардап шеккендердің саны 6 есеге (2022 жылы 3 адам және 2021 жылы 18 адам), сондай-ақ ауыр жағдайларда зардап шеккендер саны 8 есеге (2022 жылы 1 адам және 2021 жылы 8 адам) айтарлықтай азайды.

Сондай-ақ, кеңес аясында «Өндірістік қауіпсіздік саласындағы үздік кәсіпорын» байқауының қорытындысы шығарылды: 1-орын «Орталық» ӨК» ЖШС, 2-орын «Қаратау» ЖШС, 3-орын «ҮМЗ» АҚ және өз жұмысында қауіпсіздікті қамтамасыз ету бойынша жоғары көрсеткіштермен ерекшеленген «Қазатомөнеркәсіп» ҰАК» АҚ Басқарма төрағасы сыйлығының иегерлерінің есімдері жарияланды. Инженер-техник қызметкерлер арасындағы жеңімпаздар: 1-орын «Қазатомөнеркәсіп-SaUran» ЖШС Қанжуған кенішінің ГТА учаскесінің қышқыл шаруашылығы шебері Сиябеков Еркебұлан; 2-орын «РУ-6» ЖШС Қарамұрын кенішінің өнімді ерітінділерді қайта өңдеу учаскесінің шебері Қойбағаров Талғат; 3-орын «Қаратау» кеніші ӘШБ бас маманы Бексейітова Гүлжан. Жұмысшылар арасындағы жеңімпаздар: 1-орын «Семізбай-U» ЖШС Иіркөл филиалының жабдықтарға қызмет көрсету және жөндеу жөніндегі слесары Базарбеков Рахат; 2-орын «Аппақ» ЖШС аффинаж өндірісінің тазалаушысы Шағаева Гүлмира; 3-орын «Волковгеология» АҚ ГРЭ-23 бұрғылау қондырғысының машинисі Афелеев Бейсенбек.

Қосымша ақпарат алу үшін хабарласуға болады:

Инвесторлармен өзара іс-қимылға байланысты сұрақтар бойынша

Ерлан Магзумов, IR департаментінің директоры

Тел: +7 7172 45 81 80 / 69

E-mail: iratkazatomprom.kz

Қоғаммен байланыс және БАҚ сұрақтары бойынша

Сабина Кумурбекова, GR және PR департаментінің директоры

Ғажайып Күмісбек, GR және PR департаментінің бас сарапшысы

Тел: +7 7172 45 80 22

E-mail: pratkazatomprom.kz

Қазатомөнеркәсіп туралы

Қазатомөнеркәсіп – 2021 жылы уранның жалпы әлемдік бастапқы өндірісінің шамамен 24% мөлшерінде компанияның қатысу үлесіне пропорционалды табиғи уран өндіретін әлемдегі ең ірі уран өндіруші. Топ саладағы уранның ең үлкен резервтік базасына ие. Қазатомөнеркәсіп еншілес, тәуелді және бірлескен ұйымдармен бірге 14 уран өндіруші кәсіпорынға біріктірілген 26 кен орнын игеруде. Барлық уран өндіруші кәсіпорындар Қазақстан Республикасының аумағында орналасқан және уран өндіру кезінде денсаулықты, өнеркәсіптік қауіпсіздікті және қоршаған ортаны қорғауды бақылаудың озық тәжірибелері мен құралдарына (ISO 45001 және ISO 14001 сертификатталған) ерекше назар аудара отырып, жерасты ұңғымалық шаймалау технологиясын қолданады.

Қазатомөнеркәсіптің бағалы қағаздары Лондон қор биржасында, Astana International Exchange биржасында және Қазақстан қор биржасында орналастырылған. Қазатомөнеркәсіп Қазақстан Республикасының Ұлттық атом компаниясы болып табылады, ал Топтың негізгі клиенттері – Атом өндіруші қуаттардың операторлары, ал өнімдерге арналған негізгі экспорттық нарықтар – Қытай, Оңтүстік және Шығыс Азия, Солтүстік Америка және Еуропа. Топ уран мен уран өнімдерін ұзақ мерзімді және қысқа мерзімді келісімшарттар бойынша, сондай-ақ спот-нарықта тікелей өзінің Астанадағы (Қазақстан) корпоративтік орталығынан, сондай-ақ Швейцариядағы Trading House KazakAtom (ТНК) еншілес сауда компаниясы арқылы сатады.

Толық ақпарат біздің сайтымызда: https://www.kazatomprom.kz.

Болашаққа қатысты мәлімдемелер

Аталмыш мәлімдемеге немесе құжатқа енгізілген тарихи фактілерден басқа барлық мәлімдемелер болашаққа қатысты мәлімдемелер болып табылады. Болашаққа қатысты мәлімдемелер Компанияның қаржылық жағдайына, қызмет нәтижелеріне, жоспарларына, мақсаттарына, болашақ нәтижелері мен қызметіне қатысты ағымдағы күтулері мен болжамдарын көрсетеді. Мұндай мәлімдемелерге «мақсат», «санаймыз», «күтілуде», «ниеттенеміз», «мүмкін», «болжаймыз», «бағалаймыз», «жоспар», «жоба», «болады», «болуы мүмкін», «ықтимал», «қажет», «болуы мүмкін» және ұқсас мағынадағы басқа сөздер мен терминдер немесе олардың жағымсыз формалары сияқты сөздер пайдаланылатын мәлімдемелер кіруі мүмкін, бірақ олармен шектелмейді.

Болашаққа қатысты мұндай мәлімдемелерге белгілі және белгісіз тәуекелдер, белгісіздіктер және Компанияға тәуелді емес басқа да маңызды факторлар кіреді, бұл Компанияның нақты нәтижелері, көрсеткіштері немесе жетістіктері болашаққа қатысты осындай мәлімдемелермен көрсетілген немесе болжанған күтілетін нәтижелерден, көрсеткіштерден немесе жетістіктерден айтарлықтай ерекшеленуі мүмкін болады. Болашаққа қатысты мұндай мәлімдемелер Компанияның қазіргі және болашақ бизнес-стратегиясына және оның болашақта жұмыс істейтін жағдайларына қатысты көптеген болжамдарға негізделген.

ОСЫ ҚҰЖАТТА ҚАМТЫЛҒАН БОЛЖАМДАРҒА ҚАТЫСТЫ АҚПАРАТ, БОЛАШАҚТАҒЫ ОРЫН АЛАТЫН ОҚИҒАЛАР ЖАЙЫНДАҒЫ БІРҚАТАР БОЛЖАМДАРҒА НЕГІЗДЕЛЕДІ ЖӘНЕ ОЛАРДЫҢ ЕШҚАЙСЫСЫН СЕНІМДІ ТҮРДЕ БОЛЖАП-БІЛУ МҮМКІН БОЛЫП ТАБЫЛМАЙТЫН ЖӘНЕ ОЛАРДЫҢ КЕЙБІРЕУЛЕРІ КОМПАНИЯНЫҢ БАҚЫЛАУЫНАН ТЫС АЙТАРЛЫҚТАЙ ЭКОНОМИКАЛЫҚ ЖӘНЕ БӘСЕКЕЛЕСТІК БЕЛГІСІЗДІККЕ ЖӘНЕ БАСҚА ШАРТТАСТЫҚТАРҒА ҰШЫРАЙДЫ. БОЛЖАМДАРДЫҢ ОРЫНДАЛАТЫНДЫҒЫНА ЕШҚАНДАЙ КЕПІЛДІК БОЛМАЙДЫ ЖӘНЕ НАҚТЫ НӘТИЖЕЛЕР КӨРСЕТІЛГЕННЕН ЖОҒАРЫ НЕМЕСЕ ТӨМЕН БОЛУЫ ЫҚТИМАЛ. КОМПАНИЯ - ОНЫҢ АКЦИОНЕРЛЕРІ ДЕ, ДИРЕКТОРЛАРЫ ДА, ЛАУАЗЫМДЫ ТҰЛҒАЛАРЫ ДА, ҚЫЗМЕТКЕРЛЕРІ ДЕ, КЕҢЕСШІЛЕРІ ДЕ, АФФИЛИИРЛЕНГЕН ТҰЛҒАЛАРЫ ДА, ҚАНДАЙ ДА БІР ӨКІЛДЕРІ ДЕ, ЖОҒАРЫДА АТАЛҒАН ҮЛЕСТЕС ТҰЛҒАЛАРЫ ДА-АТАЛМЫШ ҚҰЖАТТА ҰСЫНЫЛҒАН БОЛЖАМДАРДЫҢ ДҰРЫСТЫҒЫ ҮШІН ЖАУАПКЕРШІЛІК АЛМАЙДЫ.

Аталмыш мәлімдемеде немесе құжатта қамтылған ақпарат, оның ішінде болашаққа қатысты мәлімдемелер, аталмыш құжаттың жасалған күніне қатысты ғана қолданылатын болады және болашақ нәтижелерге қатысты қандай да бір кепілдіктер беруге арналмаған. Компания қаржылық деректерді немесе болжамды мәлімдемелерді қоса алғанда, мұндай ақпараттың жаңғыртуларын немесе өзгерістерін тарату жөніндегі қандай да бір міндеттемелерден біржақты бас тартады және Компанияның болжамындағы өзгерістер, осындай мәліметтер негізделген оқиғалардағы, шарттардағы немесе жағдайлардағы өзгерістер нәтижесінде туындайтын ақпаратқа енгізілуі ықтимал қандай да бір өзгерістерді,  болашаққа немесе аталмыш құжаттың жасалуы күнінен кейін туындайтын басқа да оқиғаларға немесе жағдайларға қатысты мәлімдемелерді жария түрде жарияламайды.